|
||||||||||||
|
Ferðast til Danmerkur • Flutt til Danmerkur • Danmörk í tölum • Hagnýtir tenglar • Spjallþræðir Flutningurinn • Skráning • Húsnæði • Atvinna • Stofnun fyrirtækis • Nám • Samgöngur • Neytendur • Börn |
||||||||||||
| Atvinna Munið skattalegt heimilisfesti Allir Íslendingar fá sjálfkrafa atvinnuleyfi við skráningu inn í landið. Það á ekki að vera neitt vandamál. Hvað varðar skatta þá eru skattar í Danmörku talsvert hærri en á Íslandi. Skattleysismörkin eru breytileg. Þar kemur inn í fjölskyldustærð, vaxtabyrði og fleira þess háttar. Það borgar sig því að fara niður á skattstofu (sem í Kaupmannahöfn er í sömu byggingu og Folkeregisteriet, rétt við Vesterport Station) og láta reikna út fyrir sig skattkortið. Ef launin eða lánin breytast þarf að láta reikna út nýtt. Launin í Danmörku eru samkvæmt hinni íslensku goðsögn miklu hærri en á Íslandi. Þessu ber að taka með varúð. Þetta er rétt í mörgum greinum og þá sérstaklega í störfum fyrir ófaglærða og kannski hjá hinu opinbera. Í einkageiranum er hins vegar ekki hægt að treysta þessu nema þú sért komin í algjörar toppstöður. Inn í þetta þarf líka að reikna hærri skatta. Þar að auki er vinnuvikan að meðaltali einhverjum 10-15 klukkustundum styttri en á Íslandi og dagvinnan er einungis 37,5 stundir á viku. Yfirvinnukaup er litlu hærra en dagvinnukaup og oft er hver yfirvinnutími einfaldlega tekin út sem einn og hálfur tími í fríi. Yfirvinna er nánast óþekkt í flestum greinum og möguleikarnir á að hækka tekjurnar umfram dagvinnukaupið eru því yfirleitt mjög takmarkaðir. Sjáið því ekki ofsjónum yfir hærra tímakaupi. Þið getið hins vegar að öllum líkindum glaðst yfir mun meiri frítíma. Í augnablikinu er atvinnumarkaðurinn í Danmörku í lægð. Þannig að ef markmiðið með að flytja til Danmerkur er að flýja atvinnuleysið á Íslandi þá er óvíst að Danmörk sé rétti staðurinn til að flytja til. Hér er atvinnuleysi meira en á Íslandi. Það fer þó eftir starfsstétt. Mikill skortur er á hjúkrunarfræðingum í Danmörku, læknum og verkfræðingum. Það er þó gert ráð fyrir að markaðurinn fyrir lækna og verkfræðinga verði mettur innan fárra ára. Rétt er að benda á að menntun skiptir miklu máli þegar sótt er um vinnu. Starfsreynsla er almennt ekki metin nema menntun sé líka til staðar, og í Danmörku þarf orðið menntun í nánast öll störf. Það tekur t.d. þrjú ár að læra að verða ruslakall! Ekki er hægt að ganga beint inn í danska kerfið lengur og fara á atvinnuleysisbætur. Ef þörf er á að brúa eitthvað tímabil atvinnuleysis er oft hægt að fá afleysingastörf á "vikar"stofum. Það marg borgar sig hins vegar að ræða við stéttarfélagið sitt á Íslandi og heyra hvort eitthvað samstarf sé við stéttarfélög í Danmörku. Stundum getur fólk yfirfært ýmis réttindi milli landanna. Það er ekki skylda að vera í stéttarfélagi en hins vegar er mjög mikilvægt að borga í A-kassa. Annars öðlastu ekki rétt til atvinnuleysisbóta. Atvinnuauglýsingavefir: AF - Arbejdsformidlingen JobIndex JobZonen PolJob Job i Staten Job-support Job Online Jobnet OFIR Ráðningarskrifstofur og afleysingastofur: Manpower MercuriUrval Access Adecco VikarDanmark StepStone © 2003-2007 Scope Communications • Allur réttur áskilinn • Um síðuna |
||||||||||||
